ጽ/ቤቱ የመጀመሪያውን 6 ወር ዕቅድ አፈፃፀም ከፈጻሚ፣ከአመራርና ከባለድርሻ አካላት ጋር ገምግሟል ። የጽ/ቤቱ ኃላፊ ተወካይ እና የፐብሊክ ሰርቪስ አስተዳደር እና ፋይናንስ ፅ/ቤት ሀላፊ ወ/ሮ እየሩሳሌም ዮሴፍ እንደገለጹት በጽ/ቤቱ በ2017 በጀት ዓመት ዕቅድ በማቀድና ከተለያዩ ጽ/ቤቶች ጋር የስምምነት ሰነድ በመፈራረም ወደ ስራ መገባቱን ገልጸው ዕቅድን መሰረት በማድረግ ውጤታማ ስራዎችን መስራት ተችሏል ብለዋል። ወ/ሮ እየሩሳሌም አክለውም አገልግሎት አሰጣጥን በማሻሻል ፣ የለውጥ ስራዎችን አጠናክሮ በመስራት ፣ ስነ-ምግባር ያለው ሰራተኛ በመፍጠር ፣ ተቋማትን በመደገፍ ፣የተለያዩ ስልጠናዎችን በመስጠት የተገልጋዩን ዕርካታ መጨመር መቻሉን ገልፀዋል ። የጽ/ቤቱ የሰው ሀብት ልማትና ስራዎች አስተዳደር ቡድን አስተባባሪ አቶ አዲስ ደጀኔ ከክ/ከተማውና ከወረዳ ተቋማት ጋር በጋራ ትክክለኛ መረጃዎችን በመለዋወጥና የሰው ሀይልን በመጠቀም የመንግስት ሰራተኛው በአገልጋይነት መንፈስ ተገቢውን አገልግሎት መስጠትና የጽ/ቤቱን ተግባራት በስታንዳርድ በማነፃፀር ስራዎችን መስራት አለበት ብለዋል። የጽ/ቤቱ በታቀደው ልክ ስራዎችን መስራት መቻሉን ጠቁመው በቀጣይም ጽ/ቤቱ የለውጥ ስራዎችን በትኩረት በመስራትና ፍትሀዊ አገልግሎት በመስጠት ስራዎችን ቀጣይ በትኩረት መስራት የሚገባቸው መሆኑን ገልፀዋል። የመድረኩ ተሳታፊዎችም የቀረበው የስድስት ወር አፈፃፀም ጥሩ መሆኑን ገልጸው በቀጣይም በቅንጅት ውጤታማ ስራዎችን እንሰራለን ብለዋል።